Ku wa gatanu, tariki ya 20 Kamena 2025, i Kinshasa, Jenerali Muhoozi Kainerugaba, Umugaba Mukuru w’Ingabo z’igihugu cya Uganda (UPDF), hamwe na Jenerali Jules Banza, Umugaba Mukuru w’Ingabo za RDC (FARDC), bashyize umukono ku masezerano mashya yavuguruwe yerekeye ubufatanye mu bikorwa bya gisirikare byo kurwanya imitwe yitwaje intwaro mu turere twa Nord-Kivu na Ituri, mu burasirazuba bwa Repubulika Iharanira Demokarasi ya Congo.

Nk’uko byatangajwe na Jenerali-Majoro Sylvain Ekenge, umuvugizi w’Ingabo za FARDC, ayo masezerano mashya agambiriye:

• Kunoza imikoranire hagati y’ingabo z’ibihugu byombi,
• Gusangira amakuru y’ubutasi n’umutekano ku buryo bunoze,
• No gutegura amahugurwa y’ingabo z’ibihugu byombi mu buryo bw’imikoranire.

Ayo masezerano ni igice cy’ubufatanye mu kurwanya imitwe yitwaje intwaro, ciyane cyane ADF, ikorera mu mashyamba yo ku mupaka wa Uganda na Congo.