Mahi Lewis
Muri kenya hakomeje kubera imyigaragambyo aho mu mijyi itandukanye yo muri Kenya harimo Nairobi, Mombasa, Nakuru, na Kisumu, habaye imyigaragambyo ikomeye yo kwibuka umwaka ushize ubwo abaturage bigaragambyaga kubera itegeko ry’imisoro rya 2024. Iyi myigaragambyo yahitanye abantu benshi icyo gihe.
Aho bigeze ubu ni uko Biravugwako Abantu barenga 50 bakomerekejwe i Nairobi. Nkuku byatangajwe na BBC
Hari abandi barashwe, umwe bivugwa ko yapfuye i Machakos, Polisi yakoresheje imyuka iryana mu maso, Imodoka z’amazi, n’ibiboko.
Abigaragambya bararirimba ngo: “Ruto agende”, basaba ko Perezida William Ruto yegura.
Hari abagerageje no ku biro bya Perezida (State House) no ku Nteko Ishinga Amategeko, gusa baje guhagarikwa kugeza ubu…
Andi makuru ni uko bivugwako Leta yahagaritse itangazamakuru ry’imbonankubone cyangwa se live streaming kuri TV na radiyo zitambutsa imyigaragambyo mu buryo bw’imbonankubone (live). Nkurugero
Televiziyo nka NTV, KTN na Citizen TV, ariko bamwe barakomeje gutambutsa amakuru kuri YouTube ndetse n’izindi mbuga nkoranyambaga.
Ishyirahamwe ry’abanyamakuru ryamaganye iyi ngamba, rivuga ko n’urukiko rwayibujije muri 2023.
Ku rundi ruhande ni uko Polisi n’ubuyobozi
Bw’Inzego z’umutekano zabujije abigaragambya kwegera ibiro bya Perezida cyangwa Inteko.
Komisiyo ishinzwe abapolisi yasabye ko bakora kinyamwuga kandi bagira kwihangana, Minisiteri y’umutekano yo yasabye abigaragambya kutitwara nabi cyangwa gushotorana.
Naho Umucamanza mukuru wacyuye igihe, David Maraga, nawe yitabiriye imyigaragambyo, yamagana iyicwa ry’abaturage.
Impamvu z’iyi myigaragambyo no uko
Abaturage bibuka tariki ya 25 Kamena 2024, ubwo bafunguraga Inteko bakayinjiramo, bamwe bagapfa barashwe n’abashinzwe umutekano.
Perezida Ruto yakomeje gushyigikira abapolisi, avuga ko bakora akazi kabo.
Iyi myigaragambyo ibaye mu gihe abaturage banenga cyane imiyoborere y’ubuyobozi bwa Ruto, n’uburyo yashyize mu buyobozi abakeba be b’ishyaka ritavuga rumwe na we.
Abasesenguzi rero bakomeje kugenda bavuga ko, Iyi myigaragambyo ni ubutumwa bukomeye kandi bw’uburakari bw’abaturage bifuza:
Ubutabera, Imiyoborere isobanutse, Kurwanya imisoro ihanitse, Kubahiriza uburenganzira bwa muntu. Kurwanya ihohoterwa rya polisi
Wakoze wowe wabanye natwe iyi ni Tebuka Media komeza ubane natwe mu makuru yacu ataha
Tebuka Media
