abigaragambya muri Kenya ibintu byakomeye

Uyu munsi Tariki 25 Kamena 2025, Muri Kenya Hari kubera Imyigaragambyo mu Gihugu hose, uhereye i Nairobi mu murwa mu kuru n’ahandi muri Kenya, biravugwako nk’uko byanditswe na Reuters abantu 10 bakomerekejwe n’amasasu muri iyo myigaragambyo,

Iyi rero ni imyigaragambyo yo kwibuka ku nshuro ya mbere imyigaragambyo yabaye mu mwaka ushize, muri Kamena 2024, aho abigaragambyaga bamaganaga umushinga w’itegeko ry’imisoro, ibintu byavuyemo impfu z’abantu barenga 60.

🔹 uyu munsi biravugwako abantu 10 kugeza ubu bajyanywe mu bitaro bafite ibikomere by’amasasu, nk’uko byemejwe n’ibitaro bya Kenyatta National Hospital (KNH)

Ntabwo rero haramenyekana neza abarashe abo bantu, Gusa Polisi yakoresheje imyuka iryana mu maso cyangwa se tear gas n’amazi y’umuvuduko mu gusenya imyigaragambyo i Nairobi, cyane cyane mu gace ka Central Business District. (CBD)

🔹 Impanvu y’imyigaragambyo, Ni ukwibuka umwaka ushize w’imyigaragambyo yanateje impfu n’imvune, ndetse n’uburakari bushya bwatewe n’urupfu rwa bloggeur Albert Ojwang wapfuye ari mu maboko ya polisi.

Kuwa Kabiri, mu cyumweru gishize abapolisi 3 n’abandi bantu 3 bashinjwe kwica Ojwang, bose barabihakanye imbere y’urukiko.

🔹 Ibihe rero byatumye Ubuyobozi bw’Itumanaho muri Kenya busaba ko bagomba guhagarika gucisha amashusho ya LIVE y’imyigaragambyo ku ma Television, gusa ibintu byamaganiwe kure n’Ihuriro ry’Abanyamakuru (Kenya Editors Guild).

Mu mijyi nka Mombasa, Kisii, Kitengela, Nyeri na Matuu, ibintu bikomeje kugenda bifata Indi ntera naho habaye imyigaragambyo ikomeye…

🔹Bamwe mu baturage baragira bati:

“Turwanira uburenganzira bw’urubyiruko na bagenzi bacu bishwe kuva ku itariki 25 Kamena… turashaka ubutabera”, nk’uko byavuzwe n’umwe mu bigaragambyaga witwa Lumumba Harmony. Nk’uko byatangajwe na Reuters

Ubuyobozi bw’iki Gihugu buyobowe na nyakubahwe Perezida Ruto, baravuga ko Imyigaragambyo yo mu 2024 yahindutse ikibazo gikomeye cya politiki kuri Perezida William Ruto,  kuko abigaragambyaga binjiye mu nteko ishingamategeko ku ngufu, bituma amahanga agaragaza impungenge zikomeye.

Ibi rero bikomeje guteza impagarara muri Kenya byongeyeho n’urupfu rwa Ojwang, ibikorwa bya polisi, n’amategeko y’imisoro avugwaho guhohotera rubanda

Wakoze kubana natwe iyi ni Tebuka Media rero  duhurire mu biganiro byacu bindi bitaha…